Երկու հիմնական մրցակից պաղեստինյան խմբավորումները՝ ՀԱՄԱՍ-ը ու ՖԱԹՀ-ը համաձայնության են եկել, որ Պաղեստինի անցումային կառավարությունը կգլխավորի Մահմուդ Աբբասը` Հորդանանի Արևմտյան ափին ու Գազայի հատվածում ընդհանուր ընտրություններ անցկացնելու համար:
Բեկումնային համաձայնությունը ՀԱՄԱՍ-ի ու ՖԱԹՀ-ի միջև ձեռք է բերվել Քաթարում ընթացող բանակցություններում:
Համաձայնագրով նախատեսվում է նաև անցումային կոալիցիոն կառավարության ստեղծում նախագահական ու խորհրդարանական ընտրությունների նախապատրաստական շրջանում:
