Իտալիայի իշխանությունները խոստովանել են, որ երկրում «արտակարգ» իրավիճակ է ստեղծվել ռուսական գազի պակասի պատճառով, սաստիկ ցրտի պայմաններում:
Eni ընկերության ներկայացուցիչները հայտարարել են, որ արտահերթ միջոցներ են ձեռնարկում թույլ չտալու համար բնակելի տների ջեռուցման խափանումներ, հայտնում է «Ազատություն» ռադիոկայանը: Մասնավորապես, կավելացվեն գազի առաքումների ծավալներն Ալժիրից ու Նորվեգիայից:
Իշխանությունները տնտեսելու կոչ են արել բնակիչներին:
Ռուսաստանից գազի առաքումների ծավալների կրճատում է արձանագրվել նաև այլ եվրոպական երկրներում: Եվրոպայի մեծ մասում շարունակվում են սաստիկ ցրտերը, արդեն 200 մարդ սառնամանիքի զոհ է դարձել:
