ԱՄՆ պետքարտուղար Հիլարի Քլինթոնը և Իսրայելի ԱԳն ղեկավար Ավիգդոր Լիբերմանը քննարկել են Իրանի շուրջ ստեղծված իրավիճակը, հաղորդել է պետդեպարտամենտի պաշտոնական ներկայացուցիչ Վիկտորիա Նուլանդը:
Նրա խոսքով, արտաքին գերատեսչությունների ղեկավարները հաստատել են Իրանում միջուկային զենք հայտնվելը թույլ չտալու վճռականությունը:
Լիբերմանի այցելությունը տեղի է ունենում այն հաղորդագրությունների ֆոնին, որ Իսրայելը կարող է հարվածել Իրանի միջուկային օբյեկտներին:
Քլինթոնը և Լիբերմանը քննարկել են նաև մերձարևելյան կարգավորման հեռանկարները, տարածաշրջանում տիրող իրավիճակը, այդ թվում՝ Սիրիայում, Եգիպտոսում, Իրաքում, Թուրքիայի հետ Իսրայելի հարաբերությունները, հաղորդում է ԻՏԱՐ-ՏԱՍՍ-ը:
