Խորհրդարանական ընտրություններն Ալժիրում տեղի կունենան մայիսի 10-ին մեկ փուլով, հեռուստաուղերձում հայտարարել է Ալժիրի նախագահ Աբդելազիզ Բուտեֆլիկան, հայտնում է ՌԻԱ Նովոստի գործակալությունը:
«Մենք սկսում ենք քաղաքական բարեփոխումների նոր փուլը օրենսդիր մարմնի ընտրություններից»,-հայտարարել է Բուտեֆլիկան:
Ըստ նրա, իշխանություներնա անում են հնարավորը, երաշխավորելու համար ընտրությունների թափանցիկությունը:
Քվեարկությանը կարող են հետևել օտարերկրյա պետությունների ու միջազգային կազմակերպությունների ներկայացուցիչները:
35-միլիոնանոց բնակչությամբ այդ երկրում շուրջ 20 տոկոսը ապրում է աղքատության շեմից այն կողմ:
Ընտրությունների հիմնական ինտրիգը կլինի իսլամիստների ու աշխարհիկ ուժերի դիմակայությունը:
