ՀՀ Վերահսկիչ պալատն այս օրերին ստուգումներ է իրականացնում ՀՀ կապի և տրանսպորտի նախարարությունում:
«Ժողովուրդի» տեղեկություններով` բավականին սկանդալային բացահայտումներ կարող են արվել, քանի որ «Օրինաց երկիր» կուսակցության ներկայացուցիչ, նախարար Մանուկ Վարդանյանն իր նախկին գործընկերոջ` էդուարդ Մադաթյանի հետ ինչ-որ «մութ գործեր» է արել: «Ժողովուրդ»-ը ՀՀ կապի և տրանսպորտի նախարար Մանուկ Վարդանյանից փորձել է ճշտել, թե արդյոք ՀՀ Վերահսկիչ պալատը ստուգումներ է իրականացնում նախարարությունում: «Այո´»՝ դժկամորեն ասել է նախարարը:
«Մտավախություն չունե՞ք, որ Ձեր նախարարության հայտարարած մրցույթներում կոռուպցիոն բացահայտումներ կլինեն» հարցին հակիրճ պատասխանել է. «Իհարկե ոչ, վստահ եմ»:
