Սիրիական ազգային խորհրդի առնվազն 20 անդամներ, ովքեր դիմակայում են Բաշար Ասադի ռեժիմին, ձևավորել են նոր կազմակերպություն: Այդ մասին փետրվարի 26-ին հաղորդել է Reuters-ը:
Կազմակերպությունը գլխավորել է փաստաբան Հայտամ ալ Մալեհը, ով Ասադների ընտանիքի ընդդիմության մեջ է գտնվում 1970-ականներից: Նրան միացել են նախկին քաղբանտարկյալ Քամալ Ալ Լաբվանին, իրավապաշտպան Քեթրին ալ Թալին, ինչպես նաև Վալիդ ալ Բունին:
«Ալ Արաբիա» հեռուստաալիքին տված հարցազրույցում Քամալ ալ Լաբվանին պարզաբանել է, որ Սիրիացի հայրենասերների խմբի մասնակիցները շարունակելու են աշխատել Սիրիական ազգային խորհրդի կազմում, «բայց նրանց մեթողներն ուրիշ են լինելու»:
