Ռուսաստանի վարչապետ Վլադիմիր Պուտինը օտարերկրյա լրագրողների հետ զրույցում հայտարարել է, որ դեռ որոշում չի կայացրել 2018թ. նախագահական ընտրություններին մասնակցելու վերաբերյալ:
«Ես չգիտեմ, ուզում եմ արդյոք 20 տարի նստել: Ես դեռ նման որոշում չեմ կայացրել, նույնիսկ չեմ մտածել այդ մասին: Հիմա խոսում ենք առաջիկա վեց տարվա մասին»,-ասել է Պուտինը:
«Մենք պարոն Մեդվեդևի հետ պայմանավորվել էինք, որ մեզանից որևէ մեկը կարող է առաջադրվել նախագահի պաշտոնում, սակայն դա կարվի միայն այն դեպքում, եթե տեսնենք, որ մեր աշխատանքի արդյունքները թույլ են տալիս մեզ գնալ ընտրությունների՝ նրան կամ ինձ: Եվ բանը նրանում է, որ վերջին 4 տարիներին ձեր խոնարհ ծառայի վարկանիշը մի փոքր ավելի բարձր էր»,-հավաստիացրել է Պուտինը հավաքվածներին:
Նա հաստատել է Մեդվեդևին վարչապետ նշանակելու իր որոշումը:
