Ֆրանսիայի նախագահ Նիկոլյա Սարկոզին սպառնացել է դուրս բերել Ֆրանսիան Շենգենյան համաձայնագրից, եթե Եվրամիությունը հրատապ միջոցներ չձեռնարկի անօրինական ներգաղթի դեմ պայքարի համար:
Շենգենյան համաձայնագիրը ներկայումս միավորում է Եվրոպայի 25 երկրներ, նախատեսում է միասնական վիզա բոլոր մասնակից երկրների համար, ինչպես նաև այդ երկրների միջև ազատ տեղաշարժ:
Նախագահական ընտրությունների նախաշեմին ելույթ ունենալով Փարիզում իր կողմնակիցների հանրահավաքի ժամանակ` Սարկոզին ասել է, որ միայն հրատապ գործողությունները կարող են կանխել «Եվրոպայի պայթյունը»:
