ԱՄՆ-ը պլանավորում է մարդասիրական օգնություն առաքել Սիրիայի շրջաններ, որոնք շրջապատված են Բաշար Ասադի ռեժիմի զորքերի կողմից, անօդաչու թռչող սարքերով, հաղորդում է ՌԻԱ Նովոստին:
Վաշինգտոնն այս տեղեկատվությունը չի հերքել:
ԱՄՆ մասնակցությամբ դրսից Սիրիա մարդասիրական օգնություն առաքելու մասին տեղեկատվությունը հրապարակվել է ՄԱԿ և ԱՊԼ բանագնաց Քոֆի Անանի՝ Անկարա ժամանելու նախօրեին, ով անցած շաբաթվա վերջում Դամասկոսում բանակցություններ է անցկացրել Բաշար Ասադի հետ սիրիական ճգնաժամի կարգավորման վերաբերյալ:
Անկարայում Անանը հանդիպելու է թուրք վարչապետ Ռեջեփ Թայիիփ Էրդողանի, ԱԳՆ ղեկավար Ահմեդ Դավութօղլուի հետ, այցելելու է սիրիացի փախստականների ճամբարներ, որոնք գտնվում են Հաթայ նահանգում:
Ինչպես հաղորդում են տեղի ԶԼՄ-ները, «Դամասկոսի ռեժիմի կողմից մարդասիրական օգնության առաքմանը հետագայում ևս խոչընդոտելու դեպքում ԱՄՆ-ը պատրաստվում է անցկացնել աննախադեպ գործողություն»:
