Հանդես գալով խորհրդարանականների առաջ Պետդումայում խորհրդարանական ժամի ընթացքում՝ Ռուսաստանի ԱԳՆ ղեկավար Սերգեյ Լավրովը չի համաձայնվել ՌԼԴԿ պատգամավոր Յան Զելինսկու կարծիքի հետ, ով Մերձավոր Արևելքի վերջին դեպքերը համարել է երրորդ համաշխարհային պատերազմի սկիզբ: «Այն, որ մենք զենք ենք վաճառում Սիրիային, պետք է արտաքին սպառնալիքներից երկրի անվտանգությունն ապահովելու համար»,- ասել է Լավրովը:
Նախարարը նշել է, որ Ռուսաստանը չի վաճառում միջոցներ, որոնք կարելի է կիրառել ցուցարարներին դիմակայելու համար: Լավրովը նշել է, որ ԱՄՆ հեղինակությանը հարվածելը չպետք է նպատակ դառնա ՌԴ համար: «Մենք պետք է ամրապնդենք մեր հեղինակությունը, իսկ ԱՄՆ հեղինակությունը չի ամրապնդվել Իրաքից երկրի դուրս գալուց հետո, չի ամրապնդվել Լիբիայի դեպքերից հետո»,- նշել է Լավրովը:
