Ճապոնիայի ԱԳՆ-ը չորեքշաբթի օրը հայտարարել է Սիրիայում ճապոնական դեսպանատունն անվտանգության նկատառումներով փակելու մասին, հաղորդում է ՌԻԱ Նովոստին՝ մեջբերելով Կիոդո գործակալությունը:
Ճապոնիայի ԱԳՆ հայտարարության համաձայն, դեսպանատան ողջ անձնակազմը ժամանակավորապես կմեկնի Հորդանան, որտեղից Ծագող արևի երկիրը մտադիր է հետևել Սիրիայի իրավիճակին և համակարգել իր արտաքին դիվանագիտական գործողություններն այդ երկրում:
Ստույգ ամսաթիվը, երբ ճապոնական դեսպանատան անձակազմը դուրս կբերվի երկրից, դեռ հայտնի չէ:
