10 Մարտ 2016 • 10:34 AMT
Ինչ ազդեցություն կունենան կինոթատրոններում ֆիլմերի ցուցադրման վրա ՌԴ-ի սահմանած կանոնները ՀՀ-ում
Օրերս Ռուսաստանի Դաշնության կառավարությունը հաստատել է «Ցուցադրման (պրոկատի) համար ֆիլմ տրամադրելու, մերժելու և ֆիլմի ցուցադրության հավաստագիրը չեղարկելու կանոնները, և Ֆիլմերի պետռեգիստրը վարելու կանոնների» թարմացված տարբերակը: Ըստ փաստաթղթի, այժմ ՌԴ մշակույթի նախարարությունը կկարողանա պաշտոնապես կանոնակարգել ֆիլմերի ռելիզների ժամանակացույցը` մերժելով որոշակի ամսաթվի համար ֆիլմի ցուցադրման մեկնարկի հավաստագրի հանձնումը: Պաշտոնյաները կարող են մերժել կինոնկարի ցուցադրման հավաստագրի հայտադիմումը, եթե նրա մեկնարկը կինոթատրոններում նախանշված է մի ամսաթվով, որի համար արդեն նույն լսարանին հասցեագրված, նույն ժանրի կամ հասույթի հավաքագրման նույն պոտենցիալն ունեցող մեկ այլ կինոնկար է նախատեսված:
