11 Հունիս 2010 • 13:04 AMT
Անցյալ շաբաթը հայկական կինոյի և միջմշակութային համագործակցության շաբաթ էր
Անցած շաբաթվա Հայաստանի մշակութային կյանքում ամենահիշարժանն այն հաղորդումն էր, ըստ որ «Մոսկվա» կինոթատրոնում «Արարատից Սիոն» ֆիլմի դիտումները գերազանցել են «Ավատարի» դիտումներին. ֆիլմը դիտել են 20.000 մարդ: «Մայիսին կինոթատրոնի այցելուների 92տոկոսը եկել էր հենց այդ ֆիլմը դիտելու», - հաղորդել է կինոթատրոնի գլխավոր տնօրեն Մարտուն Ադոնյանը` տեղի ունեցած մամլո ասուլիսի ժամանակ: Այդ նույն ասուլիսում հայտնի դարձավ նաև, որ Մեծ Բրիտանիայում տեղի ունեցած Swansea Bay Film Festival կինոփառատոնում ֆիլմը ստացել է «Եվրոպական լավագույն վավերագրական ֆիլմ» մրցանակը: Այն նաև անցել է 8 այլ փառատոների եզրափակիչ փուլ և դեռ ներկայացվելու է Մոսկվայի կինոփառատոնում ու Կոլորադոյի Docuwest կինոփառատոնում:
