27 Մայիս 2014 • 12:07 AMT
Անդրկովկասի անկախությունը 1918-ին՝ փրկությո՞ւն, թե` ապագա աղետների աղբյուր
Մայիսն ինչ-որ առումով ճակատագրական դարձավ Անդրկովկասի ժողովրդների համար: Հենց մայիսի վերջում երեք նախկին ռուսաստանյան գուբերնիաները անկախություն հռչակեցին ու ազգային պետություններ ստեղծեցին: Հարավային Կովկասի այսօրվա բոլոր խնդիրների արմատներն այնտեղ է պետք որոնել՝ 1918 թվականի մայիսյան այն օրերին, երբ ավարտին էր մոտենում Առաջին համաշխարհային պատերազմը: Հրադադարը դեռ չէր կնքվել, բայց աշխարհի վերաձևումն արդեն ընթացքի մեջ էր: Իսկ քանի որ Ռուսաստանը հայտնվել էր հոկտեմբերյան հեղափոխության ու քաղաքացիական պատերազմի հորձանուտում, յուրաքանչյուրը ձգտում էր իր հարցերը լուծել:
