Հայաստանի եւ Իրանի միջեւ փոխհարաբերությունների ամրապնդումը նպաստավոր է նաեւ տարածաշրջանի զարգացման համար: Այդ մասին ասվել է այսօր Երեւանում կայացած Հայաստանի նախագահ Ռոբերտ Քոչարյանի եւ Իրանի նավթի եւ գազի նախարար Բիժան Զանգանեի հանդիպման ընթացքում: Ռ.Քոչարյանի խոսքերով, համագործակցության խորացումն էներգետիկայի ոլորտում առանցքային նշանակություն ունի, եւ Հայաստանը շահագրգռված է համատեղ ծրագրերի հաջող իրականացմամբ: Հիշեցնենք, որ այսօր Երեւանում ստորագրվում է Իրան-Հայաստան գազատարի շինարարության վերաբերյալ հիմնական պայմանագիրը: Ինչպես նշել են հանդիպման մասնակիցները, այդ գազատարի կառուցումը կարեւոր նշանակություն կունենա ինչպես հայ-իրանական, այնպես էլ` տարածաշրջանային համագործակցության զարգացման համար:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
