Առողջապահության նախարարությունից PanARMENIAN.Net-ին տեղեկացնում են, որ որ Հանրապետության հրապարակում մայիսի 4–ին փուչիկների բռնկման հետևանքով հիվանդանոցներում բուժում ստացողների թիվը ներկա դրությամբ անփոփոխ է:
Հիվանդանոցներում այժմ բուժվում է 75 մարդ, որոնցից 10-ը գտնվում է վերակենդանացման բաժանմունքներում, ոչ մեկի կյանքին վտանգ չի սպառնում:
Մայիսի 4-ին Հայաստանի Հանրապետական կուսակցության նախընտրական հանրահավաքի ժամանակ գազով լցված փուչիկների պայթյունի հետևանքով ընդհանուր առմամբ տուժել է 154 մարդ։
