ԵԱՀԿ ՓԱՍՏԱՀԱՎԱՔ ԱՌԱՔԵԼՈՒԹՅՈՒՆԸ ԿԱՅՑԵԼԻ ԿՈՒԲԱԹԼԻ (PAN.am)

ԼՂՀ անվտանգության գոտու տարածքներում ԵԱՀԿ փաստահավաք առաքելությունը ԵԱՀԿ Մինսկի խմբի Ռուսաստանի եւ Ֆրանսիայի համանախագահներ Յուրի Մերզլյակովի եւ Բեռնար Ֆասիեի ուղեկցությամբ անհրաժեշտ փաստեր ու տվյալներ հավաքելու նպատակով այսօր կլինի Կուբաթլիի շրջանում: Այս մասին տեղեկացրել են ԼՂՀ ԱԳՆ մամուլի ծառայությունում: Հիշեցնենք, որ ԵԱՀԿ փաստահավաք խմբին ու համանախագահներին ուղեկցում է ԼՂՀ ԱԳ փոխնախարար Մասիս Մայիլյանը: Առաքելությունում ընդգրկված են եվրոպական պետությունների ներկայացուցիչներ: Նշենք, որ առաքելության անդամներն արդեն այցելել են Քելբաջարի, Ջեբրաիլի, Ֆիզուլիի, Աղդամի, Զանգելանի շրջաններ: