Հայաստանի եւ Ադրբեջանի ԱԳՆ ղեկավարներ Վարդան Օսկանյանի եւ Էլմար Մամեդյարովի հերթական հանդիպումը կկայանա ապրիլի 15-ին Լոնդոնում` ղարաբաղյան հակամարտության կարգավորման վերաբերյալ հանդիպման շրջանակներում: Ինչպես տեղեկացրել է Բաքվի «Լիդեր» հեռուստաալիքը, Մամեդյարովը տեղեկացրել է այդ մասին հեռուստաալիքի թղթակցին Վարշավայում: Մամեդյարովը ուղեկցում է Ադրբեջանի նախագահ Իլհամ Ալիեւին` նրա Լեհաստան կատարած պաշտոնական այցի ընթացքում: Հանդիպումը կանցկացվի ԵԱՀԿ Մինսկի խմբի Ռուսաստանի, ԱՄՆ եւ Ֆրանսիայի կողմից համանախագահների մասնակցությամբ: Հայաստանի եւ Ադրբեջանի ԱԳՆ ղեկավարների հանդիպման ընթացքում կորոշվի երկու երկրների նախագահներ Ռոբերտ Քոչարյանի եւ Իլհամ Ալիեւի հնարավոր հանդիպման օրը, ասել է Մամեդյարովը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
