Միացյալ Նահանգներում Հայաստանի դեսպան Թաթուլ Մարգարյանը նախօրեին ԱՄՆ պետական քարտուղար Կոնդոլիզա Ռայսին հանձնեց իր հավատարմագրերի կրկնօրինակը, հաղորդում է ՀՀ ԱԳՆ մամլո ծառայությունը: Հանդիպման ընթացքում զրուցակիցները մտքեր են փոխանակել հայ-ամերիկյան երկկողմ հարաբերությունների, տարածաշրջանային զարգացումների եւ խնդիրների կարգավորման վերաբերյալ: Թաթուլ Մարգարյանը շնորհակալություն է հայտնել ԱՄՆ կողմից ցուցաբերած շարունակական օգնության, տարածաշրջանային հիմնահարցերի կարգավորման գործում պաշտոնական Վաշինգտոնի կառուցողական ներգրավվածության համար եւ պատրաստակամություն հայտնեց իր ուժերը ներդնել երկկողմ գործընկերության խորացման եւ հարաբերությունների զարգացման գործում:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
