2005 թվականի առաջին երեք ամիսների ընթացքում Ռուսաստանի Դաշնային անվտանգության ծառայության Սահմանապահ վարչության զինծառայողները ձերբակալել են Հայաստանի Հանրապետության պետական սահմանի 50 խախտողների: Այդ մասին հայտարարել է Ռուսաստանի ԱԴԾ Սահմանապահ վարչության պետը Հայաստանում գեներալ-լեյտենանտ Սերգեյ Բոնադրեվը, հաղորդում է «Արմինֆո» գործակալությունը: Նրա խոսքերով, 49 խախտողներ, որոնք փորձել են կեղծ փաստաթղթերով մուտք գործել Հայաստան այնուհետեւ հեռավոր արտասահմանի երկրներ մեկնելու նպատակով, ձերբակալվել են միջազգային «Զվարթնոց» օդանավակայանում: «Հայաստանում լավ կյանք որոնող» ազգությամբ քուրդ մի խախտող ձերբակալվել է Գյումրիի սահմանապահ ջոկատի կողմից եւ այդ դեպքերում անհրաժեշտ քննչական միջոցառումների անցկացումից հետո Հայաստանի Ազգային անվտանգության ծառայության կողմից փոխանցվել է թուրքական կողմին, հաղորդել է ռուս գեներալը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
