Բնապահպանության նախարար Արամ Հարությունյանը նոյեմբերի 9-ին այցելել է Կովկասյան կենսաբազմազանության ապաստարան`մասնակցելու ծառատունկի:
Հիմնադրամի նախագահ Ռուբեն Խաչատրյանը նախարարին ծանոթացրել է կառույցի կատարած աշխատանքներին և արդյունքներին:
Ծառատունկի ընթացքում Վայրի բնության և մշակութային արժեքների պահպանման հիմնադրամի (FPWC) և ՀՀ Բնապահպանության նախարարության միջև ստորագրվել է Փոխըմբռնման հուշագիր: Այն սահմանել է հետագա համագործակցությունը հիմնադրամի և նախարարության միջև: Հիմնադրամը «Խոսրովի Անտառ» պետական արգելոցի անմիջական պատասխանատուն է:
