Փարպեցի փողոցում գտնվող չորսհարկանի շենքի բնակիչները դրսի վերելակ են կառուցում: Շենքի ու նորահայտ վերելակի լուսանկարները համացանցում հայտնվել են դեռ երեկ: ԱԻՆ Տեխնիկական անվտանգության ազգային կենտրոնի տնօրենի տեղակալ Վլադիմիր Հովսեփյանը PanARMENIAN.Net-ի թղթակցի հետ զրույցում ասաց, որ այդ վերելակի համար թույլտվություն չկա և այն ապօրինի է կառուցվում:
Վլադիմիր Հովսեփյանն ասաց, որ քիչ առաջ այդ մասին տեղեկացրել է Հրդեհային և տեխնիկական անվտանգության տեսչության աշխատակիցներին և նրանք շուտով կզբաղվեն խնդրով:
Նշենք, որ Փարպեցու փողոցի այս շենքերը կառուցվել են մոտ 80 տարի առաջ, դրանք նախ եղել են չորսհարկանի , հետագայում շենքերին երկու հարկ ավելացրել են:
