ՀԱՅԱՍՏԱՆԻ ԽՈՐՀՐԴԱՐԱՆԻ ԽՈՍՆԱԿԸ ՀԱՆԴԻՊԵԼ Է ՀՀ-ՈՒՄ ՈՒԿՐԱԻՆԱՅԻ ԴԵՍՊԱՆԻ ՀԵՏ (PAN.am)

Հայաստանի խորհրդարանի խոսնակ Արթուր Բաղդասարյանն այսօր ընդունել է Հայաստանում Ուկրաինայի դեսպան Վլադիմիր Տյագլոյին` ՀՀ-ում դիվանագիտական առաքելության ավարտի առիթով, հաղորդում է ՀՀ մամլո ծառայությունը: Ա.Բաղդասարյանը շնորհակալություն հայտնեց պարոն Տյագլոյին հայ-ուկրաինական հարաբերություններում ունեցած ներդրման համար եւ հաջողություններ մաղթեց հետագա աշխատանքում` Վլադիմիր Տյագլոն նշանակվել է Ղրղզստանում Ուկրաինայի դեսպան: Հանդիպման ընթացքում քննարկվեցին երկու երկրների միջխորհրդարանական կապերի ամրապնդման խնդիրներ, անդրադարձ եղավ երկուստեք հետաքրքրություն ներկայացնող այլ հարցերի եւս: