Փետրվարի 10-ին Երևանի Կենտրոն-Նորք-Մարաշ վարչական շրջանների ընդհանուր իրավասության դատարանում կայացած դռնփակ դատական նիստում դատավոր Գայանե Կարախանյանը բավարարել է ԱԱԾ քննչական մարմնի միջնորդությունը՝ ՀՀ նախագահի թեկնածու Պարույր Հայրիկյանի դեմ մահափորձ կատարելու կասկածանքով ձերբակալված անձանց՝ Խաչատուր Պողոսյանի և Սամվել Հարությունյանի նկատմամբ որպես խափանման միջոց ընտրել երկասմյա կալանքը։
Հունվարի 31-ին՝ ժամը 23.30-ին, Տպագրիչների 9 հասցեում մահափորձ էր կատարվել նախագահի թեկնածու Պարույր Հայրիկյանի դեմ։ Թեկնածուն տեղափոխվել էր «Սուրբ Գրիգոր Լուսավորիչ» բժշկական կենտրոն, որտեղ հաջորդ օրը վիրահատվել էր: Փետրվարի 7-ին ԱԱԾ-ն Հայրիկյանի գործով ձերբակալվել էին Երևան քաղաքում ոչ լեգալ կարգավիճակով գտնվող երկու կասկածյալ՝ 1966թ. ծնված, որոշակի զբաղմունք չունեցող, նախկինում թմրամիջոցների ապօրինի շրջանառության համար դատապարտված Խաչատուր Ալբերտի Պողոսյանը և 1972թ. ծնված, Սամվել Արամայիսի Հարությունյանը:Այս մասին PanARMENIAN.Net-ին հայտնել են ԱԱԾ մամուլի կենտրոնից։
