Ֆրանսիայի թուրքական կազմակերպությունների ներկայացուցիչների հանդիպմանը որոշվել է համակարգել գործունեությունը` մայիսի 18-ին Հայոց ցեղասպանության ժխտման համար քրեական պատասխանատվություն սահմանող օրինագծի քննարկման դեմ: Թուրքական կազմակերպությունների ղեկավարները մտադիր են մշակել համատեղ ծրագիր օրենքի ընդունումը կանխելու եւ միասնական լոբբիստական գործունեություն վարելու համար: Հանդիպման մասնակիցները որոշել են նամակ հղել Ֆրանսիայի նախագահ Ժակ Շիրակին, վարչապետ Դոմինիկ դը Վիլպենին, Ազգային ժողովի եւ Սենատի խոսնակներին եւ քաղաքական կուսակցություններին, խնդրելով «խոչընդոտել օրենքի ընդունմանը»:
«Ազատություն եւ զարգացում» թուրքական կուսակցության փոխնախագահ Ակիֆ Գյուլենը, որը այն չորս խորհրդարանականներից մեկն է, որ ժամանել են Փարիզ խանգարելու համար օրենքի ընդունումը, կոչ է արել Եվրոպայում բնակվող թուրքերին ակտիվացնել իրենց գործունեությունն իրենց երկրների ներքաղաքական կյանքում, հաղորդում է «Թըրքիշ Դեյլի նյուսը»:
