ՀՀ ոստիկանությունը տեղեկություն չունի ՎիվաՍելի գլխավոր տնօրեն Ռալֆ Հիրիկյանի դեմ հնարավոր մահափորձի մասին:
Նախկինում տեղեկություններ էին ստացվել, որ ըստ չճշտված տվյալների, հունիսի լույս 24-ի գիշերը Երեւանում մահափորձ է կատարվել Ռ.Հիրիկյանի դեմ:
PanARMENIAN.Net գործակալությունը, ճշտելով այդ տեղեկությունները, պարզաբանել է, որ այդ լուրերը չեն համապատասխանում իրականությանը:
«Այդ հաղորդագրությունը ապատեղեկատվություն է: Ոչ մի մահափորձ գլխավոր տնօրենի դեմ չի եղել»,-ավելի վաղ հայտարարել էր ՎիվաՍել-ՄՏՍ-ի PR-ծառայության ղեկավար Վահե Սահակյանը:
