Սեպտեմբերի 1-ին ԱԳՆ-ում մեկնարկեց ՀՀ արտգործնախարարության կենտրոնական ապարատի ստորաբաժանումների ղեկավարների արտերկրում ՀՀ դիվանագիտական ներկայացուցչությունների ղեկավարների եւ ամենամյա հավաքը:Հայաստանի արտաքինքաղաքականությանվերաբերյալ ծրագրայինելույթով հավաքը բացեց ՀՀ նախագահ Սերժ Սարգսյանը:
Նույն օրըՀՀ ԱԳՆղեկավարությունը եւ դիվանագիտական ներկայացուցչությունների ղեկավարները «Հայաստանը եւ արտաքին աշխարհը» թեմայով դասախոսություններով հանդես եկան Երեւանի ԲՈւՀ-երում:
ԱԳ նախարար Էդվարդ Նալբանդյանն այցելեց Երեւանի պետական համալսարան եւ հանդիպում ունեցավ միջազգային հարաբերությունների ֆակուլտետի դասախոսների եւ առաջին կուրսի ուսանողների հետ: Հայաստանի արտգործնախարարը ներկայացրեց ՀՀ արտաքին քաղաքականության հիմնական խնդիրներն ու ուղղությունները, պատասխանեց ուսանողների բազմաթիվ հարցերի:
Դասախոսություններից հետո ԱԳՆ կենտրոնական ապարատի եւ դիվանագիտական ներկայացուցչությունների ղեկավարների հանդիպումը շարունակվեց, որի ընթացքում Էդվարդ Նալբանդյանն ամփոփեց կատարված աշխատանքները եւ նախանշեց հետագա ծրագրերը:
Հավաքին ելույթներով հանդես եկան ԱԳ փոխնախարարները եւ մի շարք դեսպաններ:
Հավաքին մասնակցեց նաեւ Մշակույթի նախարար Հասմիկ Պողոսյանը, որը ներկայացրեց երկկողմ եւ բազմակողմ մշակութային համագործակցության ծրագրերը եւ այս ոլորտում ԱԳՆ հետ փոխգործակցության հեռանկարները:
Սեպտեմբերի 2-ին հավաքի մասնակիցները կհանդիպեն ՀՀ ԱԺ նախագահ Հովիկ Աբրահամյանի, վարչապետ Տիգրան Սարգսյանի, Անվտանգության խորհրդի քարտուղար Արթուր Բաղդասարյանի եւ Սփյուռքի նախարար Հրանուշ Հակոբյանի հետ, հաղորդում է ՀՀ ԱԳՆ մամլո ծառայությունը:
