Հայկական իշխանություններն ունեն ինտելեկտուալ պոտենցիալի լուրջ դեֆիցիտ: Այս մասին այսօր Երեւանում կայացած մամլո ասուլիսի ժամանակ հայտարարեց «Հանրապետություն» կուսակցության քաղխորհրդի անդամ Սուրեն Սուրենյանցը: Նա մեկնաբանեց ԱԳՆ ղեկավար Էդվարդ Նալբանդյանի վերջին մամլո ասուլիսներից մեկը` նշելով, որ հայ – թուրքական հարաբերությունների էությունը բացատրելու փոխարեն նախարարն արդարանում էր լրագրողների առջեւ:
Թուրքական դիվանագիտությունն ի տարբերություն հայկականի բավականին ճկուն է, նշեց Սուրենյանցը, հավելելով, որ Հայաստանի իշխանության որակը ո’չ ԱՄՆ-ի խնդիրն է, ո’չ էլ Թուրքիայի, այլ համայն հայության խնդիրն է: «Հայաստանի իշխանություններն իրենց գրծունեությամբ պետք է ստեղծեն այնպիսի որակ, որը կհամապատասխանի միջազգային չափանիշներին», – նշեց Սուրենյանցը:
