ԱԽ քարտուղար Ալեն Սիմոնյանն անդրադարձել է սեպտեմբերի 29-ին հայ-ադրբեջանական սահմանը հատած և Շաքի գյուղում հայ կնոջը հրազենից վիրավորած, նրա երեխաներին վնասվածքներ պատճառած ադրբեջանցի զինծառայողի դեպքին։
Ըստ նրա՝ ադրբեջանցին մոլորվել է: Նա նաև տեղեկացրել է, որ Ադրբեջանում ևս նրա դեմ քրգործ է հարուցված, հայտնում է Radar-ը:
«Մոլորվել է ադրբեջանցի զինծառայողը։ Առաջին իսկ պահից իրենք մեզ տեղեկացրել են։ Իր նկատմամբ քրեական գործ է հարուցված նաև Ադրբեջանում, Ադրբեջանի նախագահի օգնական Հիքմեթ Հաջիևն ինձ նույնպես հավաստիացրել է, որ իրենց համար նա քրեական հանցագործություն է արել»,- ասել է Սիմոնյանը:
Երբ Սիմոնյանը COP17-ի գագաթնաժողովի ընթացքում ճեպազրույցի ժամանակ պատասխանում էր լրագրողների հարցերին, այդ պահին՝ ուղիղ եթերում, նրան է զանգահարել Հաջիևը։
«Իմիջիայլոց, ինքն է զանգում, վերջացնեմ, կխոսեմ հետը»,- ասել է Սիմոնյանը։
