ՀՀ Անվտանգության խորհրդի քարտուղար Ալեն Սիմոնյանն առիթ է ունեցել խոսել Ադրբեջանի նախագահ Իլհամ Ալիևի հետ և ասել, որ նրա հայտարարությունները մեր երկրում չափազանց զգայուն են ընդունվում։ Այս մասին Սիմոնյանն ասել է «Մերիդիան» էքսպո կենտրոնում լրագրողների հետ ճեպազրույցում։
«Ես հնարավորություն եմ ունեցել նախագահ Ալիևին դա ասել, ասել եմ. «Դուք պետք է իմանաք, որ Ձեր հայտարարարությունները Հայաստանի Հանրապետությունում շատ զգայուն են ընդունվում։ Եվ երբ մենք խոսում ենք խաղաղության մասին, կարևոր դերակատարում ունեք նաև Դուք, և Ձեր հռետորաբանությունը Հայաստանում շատ լսելի է»,- ասել է Սիմոնյանը, հայտնում է Sputnik Արմենիան:
Անվտանգության խորհրդի քարտուղարի փոխանցմամբ՝ Ադրբեջանի նախագահն ուշադրությամբ լսել է իր դիտարկումները և կարճ արձագանքել՝ «Լավ, բարի»։
Իսկ այն, որ Ադրբեջանը Երևանում անցկացվող COP17-ին չի մասնակցում, ԱԽ քարտուղար Սիմոնյանը խնդիր չի համարում։
«Դա իրենց որոշումն է։ Դա չի կարելի պրոյեկտել հարաբերությունների մասով, այդտեղ որևէ լարվածություն չկա ու չի ակնկալվում»,- նշել է Սիմոնյանը։
Նրա կարծիքով՝ ինչպես մեր հասարակության ներսում խնդիրներ ունենք բացատրելու տարբեր հարցեր, նույնն էլ Ադրբեջանում է։
