AM
19 Նոյեմբեր 2026 - 13:58 AMT

Փաշինյանը կմասնակցի G20-ի գագաթնաժողովին

Հայաստանը հրավիրվել է մասնակցելու դեկտեմբերին ԱՄՆ-ի Մայամի քաղաքում կայանալիք G20-ի գագաթնաժողովի շրջանակներում անցկացվող միջոցառումներին։ Վարչապետ Նիկոլ Փաշինյանը լրագրողների հետ ճեպազրույցում հաստատել է, որ մասնակցելու է միջոցառումներին։

«Այո՛, ես կմասնակցեմ»,- ասել է նա, հայտնում է Aysor.am-ը:

Կառավարության ղեկավարը նաև տեղեկացրել է, որ գագաթնաժողովին մասնակցելու հրավեր է ստացել նաև Ադրբեջանը։

Դեկտեմբերի 14-15-ը Մայամիում կայանալիք գագաթնաժողովին կմասնակցեն նաև Ֆինլանդիան, Իռլանդիան, Ղազախստանը, Նիդեռլանդները, Նորվեգիան, Կատարը, Սինգապուրը, Իսպանիան, Արաբական Միացյալ Էմիրությունները, Ուզբեկստանը և Վիետնամը:

G20-ը («Մեծ քսանյակը») միջազգային հարթակ է, որի մշտական անդամ 19 պետություն՝ Արգենտինան, Ավստրալիան, Բրազիլիան, Կանադան, Չինաստանը, Ֆրանսիան, Գերմանիան, Հնդկաստանը, Ինդոնեզիան, Իտալիան, Ճապոնիան, Մեքսիկան, Ռուսաստանը, Սաուդյան Արաբիան, Հարավային Աֆրիկան, Հարավային Կորեան, Թուրքիան, Միացյալ Թագավորությունը, ԱՄՆ-ն, Աֆրիկյան միությունը և Եվրամիությունը։