Երևանում գերեզմանոցներին հատկացված տարածքների ընդլայնում չի նախատեսվում։ Այս մասին այսօր Երևանի գլխավոր հատակագծի ճշգրտման նախագծի վերաբերյալ հասարակական քննարկման ժամանակ ասաց «Երևաննախագիծ ինստիտուտ» ՓԲԸ գործադիր տնօրեն Սիրեկան Օհանյանը։
«Երևանում պետք է բացել դիակիզարան։ Այլ ելք չունենք»,- ասաց Սիրեկան Օհանյանը՝ հավելելով, որ իրենք բազմիցս են հանդես եկել այս առաջարկությամբ, սակայն այն ինչ-ինչ պատճառներով չի ընդունվել։
«Հայ առաքելական եկեղեցին ունի իր տեսակետը դիակիզարանների հետ կապված։ Օրենքն էլ պետք է հարմարեցնել։ Սակայն ամեն դեպքում փորձում ենք թույլ չտալ գերեզմանոցներին հատկացված տարածքների ավելացում»,- ասաց «Երևաննախագիծ ինստիտուտ»-ի գործադիր տնօրենը։
