Դեկտեմբերի 20–ին Երևանի պետական համալսարանի հայ բանասիրության ֆակուլտետի դահլիճում Համազգային հայ կրթական և մշակութային միության նախաձեռնությամբ տեղի է ունենալու սփյուռքահայ անվանի արձակագիր Հակոբ Օշականին նվիրված գիտաժողովի նյութերն ամփոփող ժողովածուի շնորհանդեսը:
Ժողովածուի գրականագիտական ուսումնասիրություններում նորովի վերլուծումներով գնահատվում է գրողի գրական ժառանգությունը, նրա արդիական նշանակությունը:
Նույն օրը ՀՀ բարձրագույն ուսումնական հաստատությունների հումանիտար (ԵՊՀ բանասիրություն, ժուռնալիստիկա և ՀՊՄՀ բանասիրություն, ժուռնալիստիկա) բաժանմունքների 6 լավագույն ուսանողների, ովքեր ունեն բարձր առաջադիմություն և գրական-ստեղծագործական ձիրք, կհանձնվեն Համազգայինի սահմանած «Հակոբ Կարապենց» կրթաթոշակներ:
