8 Դեկտեմբեր 2015 • 10:52 AMT
Կինո բոլորի և յուրաքանչյուրի համար. Վերջին նորամուծությունները կինոթատրոնային մշակույթում
Իր գոյության ամբողջ ընթացքում կինոն սերտորեն կապված է եղել տեխնոլոգիաների հետ, որոնց զարգացումը թույլ է տվել ընդլայնել երևակայության սահմաններն ու որքան հնարավոր է ավելի համոզիչ դարձնել կինոպատմությունը: 21-րդ դարի կինոն ոչ միայն արվեստ է, այլ նաև բարձր տեխնոլոգիաներ: Նորարարությունների շնորհիվ ռեժիսորները նոր մոտեցումներ են մշակում կինոյի ստեղծման գործում` ցուցադրելու համար սեփական հեղինակային մոտեցումը: Կինոն ավելի մոտ է դառնում հանդիսատեսին ոչ վերջին հերթին կինոթատրոններում նոր տեխնոլոգիաների ներդրման շնորհիվ: Ժամանակակից կինոթատրոնը պետք է հագեցած լինի նորագույն տեխնիկայով, որպեսզի «մեծ էկրան» կոչվելու իրավունքի համար պայքարում չպարտվի տնային «նմանակներին»:
