4 Մայիս 2013 • 11:48 AMT
«Երբ չի գալիս սեպտեմբերի 1-ը». Մեխանիկ կդառնամ, ոչ թե գործազուրկ տնտեսագետ
«Գոռը էսօր էլ չկար», - դպրոցական պայուսակը մի կողմ գցեց ու հայտարարեց, որ սոված չի` դասարանում Գոռի ամենամոտ ընկերը` Սոնան: 12-րդ դասարանում են սովորում: Սովորում էին: Հիմա Սոնան ասում է` մենակ է սովորում: Դասարանը դատարկվել է` առաջվա ուրախ, աղմկոտ դասամիջոցներն ու միասին քեֆերը չկան: «Գոռը չկա, որ կազմակերպի: Երևի վերջին զանգն էլ անիմաստ անցնի: Եթե Գոռը դասի գար, ամենահետաքրքիր, ամենաուրախ սցենարը կգրեր», - ասում է աղջիկն ու պատմում`այս տարի ընդամենը առաջին կիսամյակի մի քանի օրն է դասի եկել ու վերջ, որովհետև Գոռի կյանքում մեծ փոփոխություն է եղել` նրա հայրն է մահացել:
