Ադրբեջանի պատվիրակությունը չի մասնակցում Երեւանում այսօր բացված Սեւծովյան տնտեսական համագործակցության Խորհրդարանական վեհաժողովի (ՍԾՏՀ ԽՎ) մշակույթի, կրթության եւ սոցիալական հարցերի հանձնաժողովի նիստին: Հիշեցնենք, որ օրեր առաջ ադրբեջանական մամուլը` վկայակոչելով Միլի Մեջլիսը, հաղորդել Էր, որ իրենց պատվիրակությունը չի մասնակցելու Երեւանում կայանալիք նիստին, քանի որ Հայաստանը «չի երաշխավորել» իրենց անվտանգությունը: Ինչպես այս առնչությամբ այսօր Երեւանում նշել է հանձնաժողովի նախագահի տեղակալ, Ռումինաիայի նեկայացուցիչ Դումիտրու Բուզատուն, ադրբեջանական պատվիրակությունը կանխապես զգուշարցրել էր ՍԾՏՀ ԽՎ ղեկավարությանը, որ չի կարող մասնակցել նիստին` «խիստ զբաղվածության» պատճառով: Իր հերթին Հայաստանի պատվիրակության ղեկավար Գագիկ Մինասյանն ադրբեջանական պատիվրակության բացակայությունը պայմանավորում Է այն հանգամանքով, որ նրանք նման դեպքերում գալիս Էին Հայաստան Վրաստանով` վրացի գործընկերների հետ միասին, որոնք այս անգամ նույնպես չեն ժամանել Երեւան, քանի որ պատրաստվում են մարտի 28-ին կայանալիք խորհրդարանական ընտրություններին:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
