Ռուսաստանյան խոշորագույն բանկերից մեկը` «Վնեշտորգբանկը», որն երեկ ձեռք է բերել «Հայխնայբանկի» բաժնետոմսերի 70 տոկոսը, պարտավորվում է հայկական բանկի կապիտալը հասցնել 15 մլն դոլարի: Այդ մասին այսօր Երեւանում լրագրողներին է հայտնել է «Վնեշտորգբանկի» վարչության նախագահ Անդրեյ Կոստինը` Հայաստանի նախագահ Ռոբերտ Քոչարյանի հետ հանդիպումից հետո: Ա.Կոստինի խոսքերով, Ռ.Քոչարյանը դրական է գնահատել ռուսաստանյան կապիտալի մուտքը Հայաստանի բանկային ոլորտ: Բանկիրը նշել է, որ ներդրումներ իրականացնելուց հետո «Հայխնայբանկը» կապիտալի ցուցանիշներով կդառնա Հայաստանի ամենախոշոր բանկը: Նշենք, որ ներկայումս «Հայխնայբանկի» հիմնադիր կապիտալը կազմում է 5 մլն դոլար:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
