Թուրքիայի ժողովրդահանրապետական կուսակցության անդամ, պատգամավոր Աթիլա Բաշօղլուն նամակ է հղել Կալիֆորնիաի նահանգապետ Առնոլդ Շվարցենեգերին` Հայոց ցեղասպանության վերաբերյալ վերջերս արված հայտարարության առնչությամբ: Ինչպես հայտնի է, Շվարցենեգերը ապրիլի 24-ի իր ելույթում խոսել է ցեղասպանության, թուրքերի կողմից հայկական քաղաքակրթությունը ոչնչացնելու մասին եւ անգամ Ստամբուլ քաղաքն անվանել է «Կոստանդնոպոլիս»: Թուրք պատգամավորը «Զաման» թերթին տված հարցազրույցում ասել է. «Անցյալը թող գնահատեն պատմաբանները: Իսկ Առնոլդը կինոյի մարդ է եւ տեղյակ չէ այդ հարցերին: Նա նույնիսկ չի կարող քարտեզի վրա Թուրքիայի տեղը ցույց տալ»: Բաշօղլուն կոչ է արել նահանգապետին հրաժարվել իր խոսքերից, հակառակ դեպքում սպառնալով բողոք ներկայացնել Եվրոպայի մարդու իրավունքների դատարան:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
