«Ժողովուրդ» թերթը գրում է, որ նախօրեին աշխատանքից ազատվել է Մարալիկի ոստիկանապետ Համբարձում Տոնոյանը: Թերթը պարզել է, որ «Ժողովուրդ» օրաթերթի նախորդ համարի հրապարակման հիման վրա ՀՀ ոստիկանապետ Վլադիմիր Գասպարյանն անմիջապես ծառայողական քննություն է նշանակել Մարալիկի ոստիկանությունում: Շաբաթ օրը համապատասխան հանձնաժողովն այցելել է Մարալիկ, ուսումնասիրություններ կատարել և պարզել, որ, իրոք, Տոնոյանի գլխավորած կառույցում չեն արձանագրել հանցագործությունների մասին ահազանգեր: Արդյունքում` Մարալիկի ոստիկապետը հրաժեշտ է տվել իր պաշտոնին: Մարալիկի ոստիկանությունը չէր արձանագրել վերջերս տեղի ունեցած գողության չորս դեպք Մարալիկում և դրան հարակից Քարաբերդ գյուղում:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
