Երեկ Վրաստանի մայրաքաղաք Թբիլիսիյում տեղի ունեցած ռուս-վրացական գործարար համաժողովում ի թիվս այլ նախագծերի քննարկվել է նաեւ Վրաստանից Հայաստան նոր երկաթուղային ճյուղ անցկացնելու հնարավորությունը: Ինչպես հաղորդել է «Ռեգնում» գործակալությանը «Վրաստանի եկաթուղիներ» պետական ընկերության ներկայացուցիչը, երկաթուղային ճյուղի շինարարության մեջ ներդրումներ անելու պատրաստակամություն են հայտնել Ռուսաստանի, Վրաստանի եւ Հայաստանի գործարար շրջանակների ներկայացուցիչները: Նշենք, որ երկու հանրապետությունները տվյալ պահին միացնում է երկաթուղին, որը հատում է սահմանը Սադախլո կետում: Նշենք նաեւ, որ տրանսկովկասյան երկաթուղին, որի ճյուղն է հանդիսանում նաեւ այս հատվածը, թույլ չի տալիս հայ բեռնափոխադրիչներին հասցնել իրենց ապրանքը Ռուսաստան, քանի որ աբխազական հատվածը ներկայումս փակ է:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
