ԱՄՆ օժանադակություն է ցուցաբերում հակամարտություններից տուժածներին, անկախ նրանց գտնվելու վայրից: Այս մասին, ինչպես հաղորդում է «Թուրան» գործակալությունը, հայտարարել է Ադրբեջանում ԱՄՆ դեսպան Ռինո Հարնիշը` մեկնաբանելով ԼԵռնային Ղարաբաղին 5 մլն դոլար տարամադրելու ԱՄՆ Ներկայացուցիչների պալատի օտարերկրյա օգնության ենթակոմիտեի որոշման վերաբերյալ Ադրբեջանի ԱԳՆ հայտարարությունը: Դեսպանը նշել է, որ օգնության կոնկրետ գումարը դեռեւս չի հաստատվել` ավելացնելով, որ տվյալ առաջարկությունը կարող է հաստատվել միայն ԱՄՆ Սենատի եւ Ներկայացուցիչների պալատի կողմից: Նա ավելացրել է, որ ղարաբաղյան հակամարտության հետեւանքով ադրբեջանցի տուժածներին եւս նախատեսվում է տրամադրել է 13 մլն ԱՄՆ դոլարի օգնություն:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
