Հայաստանն իր ներքաղաքական վիճակը լուծելու համար օգնության խնդրանքով չի դիմում այլ երկրներին, որքան էլ այդ երկրները մեզ համար բարեկամական լինեն: Այդ մասին «Նեզավիսիմայա գազետա» թերթին տված հարցազրույցում հայտարարել է Հայաստանի արտգործնախարար Վարդան Օսկանյանը` մեկնաբանելով որոշ ԶԼՄ-ների հաղորդագրություններն այն մասին, թե հայկական ընդդիմության վերջին ելույթները ճնշվել էին «Մոսկվայի լուռ հավանությամբ»: Նրա խոսքերով, այն ամենն ինչ կատարվում է Հայաստանում` զուտ նրա ներքին գործն է: Ընդ որում նախարարը ավելացրել է, որ այդ իրադարձությունները երբեք լուրջ մտահոգություն չեն առաջացրել իշխանությունների, հատկապես` նախագահ Քոչարյանի մոտ, «քանի որ պարզ էր, որ դրանք չունեն լուրջ հիմք եւ բնակչության զանգվածային աջակցություն»: «Ռուսաստանին հետաքրքրում է կայուն Հայաստանը: Բնականաբար, Ռուսաստանը, հետեւելով երեւանյան իրադարձություններին, հանդես եկավ Հայաստանում կայունության օգտին», – ասել է Վ.Օսկանյանը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
