«Հրապարակը» գրում է, որ նախագահի աշխատակազմի ղեկավար Վիգեն Սարգսյանին թերթի թղթակիցը երեկ Վալերի Բրյուսովի անվան լեզվաբանական համալսարանում հարցրել է, թե ինչու են վերջին շրջանում լուրեր շրջանառվում իր պաշտոնանկության մասին: Սարգսյանը, նեղսրտելով այդ հարցից, հրաժարվել է պատասխանել, փոխարենը հիշեցրել է, որ ինքը բուհում գտնվում է ոչ թե որպես նախագահի աշխատակազմի ղեկավար, այլ որպես բուհի խորհրդի նախագահ: «Ես էստեղ որպես կոորդինատոր եմ , ոչ թե նախագահի աշխատակազմի ղեկավար»: «Հրապարակի» թղթակցի հակադարձմանը` հիմա իրեն պաշտոնանկությու՞ն է սպասվում, թե՞ տեղափոխություն, Սարգսյանն արձագանքել է. «Ցանկացած մարդ, երբ որ նշանակվում է պաշտոնի, նրան սպասվում է փոփոխություն»:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
