Արտակարգ իրավիճակների նախարարության ճգնաժամային կառավարման կենտրոնում այսօր Երևանի Սայաթ-Նովա 15 շենքի բնակիչներից ահազանգ է ստացվել, որ իրենց շենքի նկուղում իրականացվում են շինարարական աշխատանքներ, որոնք սպառնում են շենքի սեյսմակայունությանը: Դեպքի վայր է մեկնել օպերատիվ խումբը տեղում պարզել է, որ բացակայում է շինարարական աշխատանքների թույլտվություն։ ԱԻՆ աշխատակիցներն արգելել են հետագա աշխատանքների իրականացումը:
Ներկա պահին ԱԻՆ աշխատակիցները գտնվում են Սայաթ-Նովա 15 շենքի բակում:
