Ոստիկանության Մեծամորի բաժնի պահակակետից hունիսի 26-ին` ժամը 21.20-ին, բաժնում ահազանգ է ստացվել, որ իրենցից մոտ 50 մ հեռավորության վրա վրաերթ է տեղի ունեցել: Ինչպես հաղորդում է ՀՀ ոստիկանության լրատվական ծառայությունը`պահակակետի ոստիկաններից մեկը նկատելով կատարվածը՝ վրաերթի ենթարկված երեխային անմիջապես պատահական ավտոմեքենայով տեղափոխել է հիվանդանոց, սակայն երեխան ճանապարհին մահացել է:
Հիվանդանոցից ևս ոստիկանության Մեծամորի բաժնում ահազանգ է ստացվել, որ իրենց մոտ է տեղափոխվել Մեծամոր քաղաքի բնակիչ, 2001 թ. ծնված Լևոն Թադևոսյանի դիակը:
Դեպքի վայր մեկնած օպերատիվ խումբը պարզել է, որ նույն օրը, ժամը 21.00-ի սահմաններում, «Ֆոլքսվագեն Գոլֆ-3» մակնիշի ավտոմեքենայի վարորդը Արմավիր-Մեծամոր ճանապարհի 6-րդ կմ-ին վրաերթի է ենթարկել հեծանվորդ Լևոն Թադևոսյանին:
Դեպքի վայրում անհայտ ավտոմեքենայի վարորդը վրաերթի է ենթարկել նաև իր ծառայողական պարտականությունները կատարող Ճանապարհային ոստիկանության աշխատակցին, որը մարմնական վնասվածքներով տեղափոխվել է հիվանդանոց:
Կատարվում է նախաքննություն:
