Ֆեդերացիայի Խորհրդի նախագահ Վալենտինա Մատվիենկոն մեկնաբանել է Ուզբեկստանի` ՀԱՊԿ-ից դուրս գալու վերաբերյալ հայտարարությունը, նշելով, որ յուրաքանչյուր պետության իրավունքն է անդամակցելու այս կամ այն կառույցներին:
ՌԴ Դաշնության խորհրդի նախագահ Վալենտինա Մատվիենկոն մեկնաբանել է ՀԱՊԿ-ից դուրս գալու Ուզբեկստանի որոշումը՝ նշելով, որ դա յուրաքանչյուր երկրի ինքնիշխան իրավունքն է: «Սակայն, ինձ թվում է, որ Ուզբեկստանը տանուլ կտա, եթե վերջնականապես դուրս գա ՀԱՊԿ-ից»,-հայտարարել է նա Երևանում ԱԺ խոսնակի հետ համատեղ մամլո ասուլիսում:
Ըստ Մատվիենկոյի, Ուզբեկստանի դուրս գալը ՀԱՊԿ-ից դրական չէ տարածաշրջանի կայունության, ինչպես նաև միջազգային ահաբեկչության ու թմրանյութերի շրջանառության դեմ պայքարում: Նա ասել է, որ այդ երևույթների դեմ պայքարում հարկավոր է միավորել ջանքերը, ոչ թե պառակտել:
Մատվիենկոն նշել է, որ Ուզբեկստանը գործնականում չի մասնակցի ՀԱՊԿ աշխատանքներին և նրա մասնակցությունը կազմակերպությանը զուտ ձևական էր: Ըստ նրա, իր հայտարարությամբ Ուզբեկստանը իրավաբանորեն վերջակետ դրեց այդ հարցոըւմ:
