ԵԱՀԿ ԴԻՏԱՐԿՈՒՄԸ ՀԱՅԱՍՏԱՆԻ ԵՎ ԱԴՐԲԵՋԱՆԻ ԶՈՒ ՇՓՄԱՆ ԳԾՈՒՄ ԽԱԽՏՈՒՄՆԵՐ ՉԻ ԱՐՁԱՆԱԳՐԵԼ (PAN.am)

Հայաստանի եւ Ադրբեջանի զինված ուժերի շփման գծում ԵԱՀԿ առաքելության կողմից հինգշաբթի օրը անցկացված դիտարկումը հրադադարի ռեժիմի խախտումներ չի արձանագրել: Այդ մասին ՌԻԱ «Նովոստի»-ին է հաղորդել Ադրբեջանի պաշտպանության նախարարության մամլո քարտուղար Ռամիզ Մելիքովը: Նշենք, որ դիտարկունը անց էր կացվում հայ-ադրբեջանական սահմանում Ադրբեջանի Ղազախի շրջանի Բալա Ջաֆարլի բնակավայրի տարածքում: Հայկական կողմից դիտարկումը վարել են ԵԱՀԿ գործող նախագահի անձնական ներկայացուցչի դաշտային օգնականներ Քեննեթ Պիկլեսը եւ Պիտեր Քեայը: Ադրբեջանական կողմից անցկացմանը մասնակցել են ԵԱՀԿ գործող նախագահի անձնական ներկայացուցչի դաշտային օգնականներ Իմրե Պալատինուսը եւ Միրոսլավ Վիմետալը: