Հարավային Կովկասում խաղաղության եւ կայունության հաստատման համար անհրաժեշտ է տարածաշրջանի բոլոր հակամարտությունների կարգավորում: Այդ մասին ռուսաստանյան «Նեզավիսիմայա գազետա» թերթին տված հարցազրույցում հաղորդել է Հայաստանի վարչապետ Անդրանիկ Մարգարյանը: Այդ առնչությամբ նա առաջին հերթին առանձնացրել է ղարաբաղյան հակամարտությունը, որի արդարացի լուծումը նախադրյալներ կստեղծեր հաղորդակցության բոլոր ուղիների բացման, Հայաստանի եւ Լեռնային Ղարաբաղի շուրջ տրանսպորտային շրջափակումը վերացնելու, տարածաշրջանի բոլոր պետությունների միջեւ տնտեսական հարաբերությունների հաստատման համար: Վարչապետը նշել է նաեւ, որ Կովկասում խաղաղության եւ կայունության վերականգնումը կնպաստի տարածաշրջանային ծրագրերի իրականացմանը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
