Խաչիկ Հակոբյանը նշանակվել է Հայաստանի բնապահպանության նախարարի տեղակալ

Ղեկավարվելով Հայաստանի Հանրապետության նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետով՝ ՀՀվարչապետ Տիգրան Սարգսյանի որոշմամբ Խաչիկ Հակոբյանը նշանակվել է Հայաստանի Հանրապետության բնապահպանության նախարարի տեղակալ։

Խաչիկ Վանուշի Հակոբյանը ծնվել է 1982 թվականին Երևանում: Կրթություն՝ 1988-1995 Երևանի թիվ 176 միջնակարգ դպրոց, 1995-1997 «Քվանտ» վարժարան, 1997-1998 Հայաստանի Գյուղատնտեսական ակադեմիայի (ՀԳԱ) հենակետային վարժարան, 1998-2003 ՀԳԱ-ի անասնաբուժական բժշկագիտության ֆակուլտետ (գերազանցությամբ), 2003-2006 Հայաստանի Գյուղատնտեսական ակադեմիայի ասպիրանտուրա, 2007-2009 Երիտասարդ առաջնորդների դպրոց:

Աշխատանքային գործունեություն

2003-2008թթ. «Կանաչ դար» պատանեկան բնապահպանկան ակումբի ղեկավար 2004 թվականից «Ճեմարանականների միություն» ՀԿ նախագահ 2009 թվականից ՀՀ հանրային խորհրդի Սփյուռքի ենթահանձնաժողովի անդամ 2008 թվականից Երիտասարդ առաջնորդների դպրոցի խորհրդի անդամ 1999 թվականից ՀԳԱ Ագրոգիտասփյուռ դեպարտամենտի պատանեկան ծրագրերի խորհրդատու 2003-2005թթ. ՀԳԱ Ագրոգիտասփյուռ դեպարտամենտի պատանեկան ուսուցողական ճամբարներում բնապահպանության ուսուցիչ 1999 թվականից «Բնապահպան տնտեսագետների երիտասարդական միություն» ՀԿ հիմնադիր նախագահ 2004 թվականից «Անանիա Շիրակացի» ճեմարանի առաջին փոխտնօրեն 2005 թվականից «Անանիա Շիրակացի» ճեմարան հիմնադրամի տնօրեն 2011 թվականից «Կանաչ մոլորակ» միջազգային բնապահպանական շարժման հայաստանյան ներկայացուցչության խորհրդի անդամ:

2010թ. պարգևատրվել է ՀՀ ԱԺ Պատվո մեդալով: Տիրապետում է հայերեն, ռուսերեն, անգլերեն լեզուներին: Հայաստանի Հանրապետական կուսակցության անդամ է: Ամուսնացած է: