Եթե չլիներ չկարգավորված հակամարտությունը, ապա Հայաստանը հնարավորություն կունենար ավելի մեծ չափով մասնակցելու ՆԱՏՕ-ի տարբեր ծրագրերին, հայտարարել էՀայաստանի պաշտպանության նախարար Սերժ Սարգսյանը Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ռոբերտ Սիմմոնսի հետ հանդիպման ժամանակ: «Ուզում եմ շեշտել, որ մենք մտադիր ենք շարժվել որդեգրած ուղղությամբ եւ շարունակաբար խորացնելու ենք մեր հարաբերությունները», – նշել է Սերժ Սարգսյանը: Իր հերթին, խոսելով ղարաբաղյան հակամարտության մասին, Ռոբերտ Սիմմոնսը հայտարարել է, որ այն խոչընդոտ է հանդիսանում տարածաշրջանի երկրների զարգացման համար: «Կարծում եմ, որ ձեռք կբերվի փոխընդունելի համաձայնություն: ՆԱՏՕ-ն ամիջականորեն ներգրավված չէ կարգավորման գործընթացում, սակայն ուշադրությամբ հետեւում է խնդրի շուրջ ծավալվող բոլոր զարգացումերին», – ասել է Ռ.Սիմմոնսը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
